Hurra!

No ser det ut til at Iphone endeleg kjem til Noreg. På tide! Eg skal jaffal ha meg ein, kva med deg? Kikk her for meir info. 11. juli er visst datoen for lansering her...

Få meg på, for faen!

Ja, nettopp det er navnet på årets beste teaterframsyning. Såg skodespelet i går saman med H. og hadde ein fantastisk frisk kveld. Velskrive treffande stykke, bra skodespel, gode karakterar, humoristisk og djupt, god scenografi, i det heile tatt.. Det er berre ein ting å sei: Trykk her og kjøp billettar - dette må du få med deg! Olaug, takk!

17. mai

Joda, vi er gifte - bra gift! Tenkte eg skulle skrive noko om korleis det er, korleis det gikk, korleis vi har det.. Men, tingen er at livet er fyllt med bra ting som har halde meg borte frå mac'en. Oppsummert: Vi sa begge ja, det kom eit lass med bra folk, kvelden var fin og eg er svært tilfreds med tilværet.

I går var det 17. mai med snøstorm og inneliv. S. var stasa opp i nasjonaldrakt og vi hang med familien både her og der. Potetløp var bytta ut med Lille Kylling, det var Settlers & vinsmaking, og vi naut rikeleg med god mat og drikke. I dag er vi slitne som det passar seg. 16. mai feira vi 17. i barnehagen så S. har gått i tog og leika ute, samt ete is og gotti 2 dagar i strekk. LykkeLi!

La Ane gjere deg mo

Fikk ein forsmak på bryllaupet onsdag då første bryllaupsgåva vart overrekt: Middag på Alex Sushi og Ane Brun konsert! Det var fantastisk begge deler, og etter dette har nyealbumet til Ane Brun - Changing Of The Seasons, snurra rundt og rundt i platespelaren. Eg vert stadig mo i knea av stemningane ho skapar... Magisk. Prøv det! Tusenmillionar takk for gåva S. & Å.!

mjau

Etter 2 veker borte var det fantastisk å sjå S. igjen fredag. Ho strålte! ..og har fortsett med det. Siste nye er at eg no får henne til å posere foran kameraet. For kort tid sidan trivdes ho best bak kameraet, så endringa feira vi med ein fotoseanse på kjøkkenet. Vi tok bilete av S. som sau, løve og pus, men ikkje bjørn. Dette biletet er nok frå oppladninga til S. som pus.

I dag er eg inne, då eg i går drakk ute..

Eg vart skrekkslagent overraska i går av ein gjeng mørke menn som plutseleg stod i gangen min. Det viste seg å være tid for eit siste krumspring før ekteskapet tar meg. Sjølv etter at eg forstod kva dei ville og at eg faktisk kjente menna, stod angsten tydeleg igjen i ansiktet mitt. Moro for alle! Kvelden viste seg å verte strålande. Etter 2 heat med gocart, som avdekka at eg er ei sinke bak rattet, gikk turen til S. på Torshov. Maten var fortreffeleg, drikka var leskande og mange svært fine folk var hyggelege mot meg heile natta. Sjølv temmeleg bedugga viste det seg at eg var forholdsvis betre med gitaren enn bak rattet tidlegare på dagen. Guitar heroes vart vi fleire. Tusen takk for ein veldig bra fest!

Sharmtur neste..

Ca. eit døgn igjen til eg og B. sit på flyet på veg mot Sharm el Sheikh. S. er plassert hos sine besteforeldre i sør og vi er godt lystne på ei veke total avslapning m solkrem, dykkermaske og "special prize for you!" Etter det er det kun 2 veker til bryllaup!